Қазақстанның Сауда және интеграция министрі Арман Шаққалиев пен Қытайдың Коммерция министрі Ван Вэньтао екі ел арасындағы сауда айналымын 2030 жылға қарай екі есеге ұлғайтуды талқылады, деп хабарлайды aqshamnews.kz
2024 жылы тауар айналымы $43,8 млрд болды (+9,2%), ал 2025 жылдың қаңтар–маусым айларында $21,8 млрд-қа жетті.
Қазақстан Қытайға өз тауарларына импорттық баж салығын төмендетуді және қытайлық инвестиция арқылы шикізатты терең өңдеу жобаларын іске қосуды ұсынды. Сондай-ақ кедендік рәсімдерді цифрландыру, электронды сауданы дамыту және қазақстандық тауарларды қытайлық онлайн-платформаларда кеңінен ұсыну мәселелері қаралды.
Тараптар аймақтық ынтымақтастықты да назарға алды. 2024 жылдан бері Қытайдың негізгі провинцияларына 6 сауда миссиясы ұйымдастырылды. Қытай бұл қадамды қолдап, өз компанияларының Қазақстандағы сауда және инвестициялық жобаларға қатысуға дайын екенін жеткізді.