Қазақстан мен Ресей шекарасында жер сілкінісі болды, деп хабарлайды Аqshamnews.kz тілшісі.
Қазақ ұлттық деректер орталығының жедел мәліметіне сәйкес, 9 желтоқсанда Астана уақытымен 15:36-да Ресей аумағында жер сілкінісі тіркелді. Жер асты дүмпулерінің магнитудасы 5,0 балл болған.
Еуропалық-Жерорта теңізі сейсмологиялық орталығының мәліметінше, зілзаланың эпицентрі Ресейдегі Ақташ ауылынан солтүстік-батысқа қарай 40 шақырым қашықтықта орналасқан.
Еске салайық, 6 желтоқсанда Қазақстан сейсмологтары тағы бір жер сілкінісін тіркеген болатын. Ол кезде жерасты дүмпулері Тараз бен Шымкент қалаларында 2 балл шамасында сезілген.
Сондай-ақ, 4 желтоқсанда Қытайдың оңтүстік Синьцзян өңірінде магнитудасы 6,1 болатын жер сілкінісі болып, оның дүмпулері Алматы қаласы, Алматы, Жамбыл және Жетісу облыстарында да сезілген еді.
