Астанада Қазақстан Премьер-министрі Олжас Бектенов пен Ресей Үкіметінің төрағасы Михаил Мишустин екіжақты келіссөздер өткізді, деп хабарлайды aqshamnews.kz
Кездесу барысында мемлекет басшылары Қасым-Жомарт Тоқаев пен Владимир Путиннің келісімдерін жүзеге асыру, екі ел арасындағы сауда айналымын арттыру және экономикалық ынтымақтастықты кеңейту мәселелері талқыланды.
Тараптар өнеркәсіп, ауыл шаруашылығы, энергетика, көлік және мәдени-гуманитарлық байланыстарды дамытуға баса назар аударды.
Негізгі көрсеткіштер:
✅ Қазақстан мен Ресей арасындағы тауар айналымы 2023 жылдың 11 айында $24,2 млрд құрады, алдағы мақсат – $30 млрд-қа жеткізу.
✅ Ауыл шаруашылығы өнімдерінің саудасы 2024 жылдың 10 айында $3,2 млрд-тан асып, 5%-ға өсті.
✅ $18,6 млрд-қа 99 өнеркәсіптік жоба жүзеге асырылды, жаңа бірлескен жобаларды дамыту жоспарлануда.
✅ Көлік-логистикалық жүйе нығайтылып, жаңа су және теміржол бағыттары ашылады.
Олжас Бектенов:
"Екіжақты қарым-қатынас сапалы жаңа деңгейге көтерілді. Қазақстан Үкіметі барлық салада серіктестікті дамытуға дайын."
Михаил Мишустин:
"Қазақстан – біздің стратегиялық серіктесіміз. Басты міндет – мемлекет басшыларының келісімдерін толық орындау."
Келіссөздер нәтижесінде тараптар стратегиялық әріптестікті одан әрі нығайту туралы уағдаласты.