Премьер-министрдің бірінші орынбасары Роман Скляр мен «Газпром» компаниясы басқармасының төрағасы Алексей Миллер жұмыс кездесуін өткізді, деп хабарлайды aqshamnews.kz
Тараптар газ саласындағы әріптестікті дамыту мүмкіндіктерін талқылаған.
«Газпром» компаниясы баспасөз қызметінің хабарлауынша, кездесу барысында Ресей мен Қазақстанды байланыстыратын жаңа магистральды газ құбырын салу жобасын іске асыру туралы меморандумға қол қойылды.
Бұдан бөлек Қазақстан газын Ресейде ұзақ мерзімді өңдеу бойынша негізгі шарттар туралы келісімге де қол қойылған.
«Бұл құжат Қарашығанақ кен орнындағы газды Орынбор газ өңдеу зауытында өңдеуге байланысты екі ел арасындағы ынтымақтастықты бекітеді. Зауыт жаңғыртудан өтеді», - делінген хабарламада.
