Қазақстан жастар құрамасы хоккейден әлем чемпионатын екі ірі жеңіліспен бастады
26 желтоқсаннан бастап Канадада хоккейден (20 жасқа дейінгі жастар арасында) әлем чемпионаты өтіп жатыр. Қазақстан құрамасы бес жылдық үзілістен кейін элиталық дивизионда ойнауға қайта оралған болатын, деп хабарлайды aqshamnews.kz
- 28 желтоқсан күні Қазақстан құрамасы турнирді екі ірі жеңіліспен бастады. Бірінші ойында біздің хоккейшілер Швеция құрамасына 1:8 есебімен жол берді, деп хабарлайды «Спорт Шрёдингера» телеграм арнасы.
- Осыған қоса, сол күннің кешінде Қазақстан құрамасы соңғы екі әлем чемпионатында қола жүлдегер және финалист болған Чехия құрамасымен кездесті. Бұл матчта да қазақстандықтар ауыр жеңіліске ұшырап, ойын 1:14 есебімен аяқталды.
Құрама үшін әлем чемпионаты қиын басталды, бірақ турнир әлі аяқталған жоқ. Жас спортшылардың алдағы ойындарда өзін көрсетуге мүмкіндігі бар. Ел намысын қорғап жатқан ойыншыларға қолдау білдірейік!