Қазақстан халықаралық турнирлерде үш медаль жеңіп алды, – деп хабарлайды aqshamnews.kz тілшісі.
Қазақстанның жеңіл атлетика құрамасының үш өкілі халықаралық жарыстарда жүлдеге ие болды.
Елизавета Матвеева Кипрдің Лимасол қаласында өткен EKO Cyprus International Athletics Meeting турнирінде күміс медаль жеңіп алды.
Спортшы биіктікке секіру сайысында 185 сантиметр нәтижемен екінші орынға тұрақтады.
Кристина Овчинникова Польшадағы Белосток қаласында өткен Mityng na Rynku w Białymstoku жарысында жүлдегерлер қатарына енді. Қазақстандық атлет 187 сантиметр көрсеткішімен қола медаль иеленді.
Ал Полина Иванова Оңтүстік Кореяның Пусан қаласында өткен World Athletics Challenger сериясындағы сырықпен секіру турнирінде күміс жүлдеге қол жеткізді. Ол 4,20 метр нәтижемен жарысты екінші орынмен аяқтады.