Қазақстан боксшылары Венгрияда 15 медаль алды, – деп хабарлайды aqshamnews.kz тілшісі.
Венгрияның Эгер қаласында Халықаралық World Boxing федерациясының қолдауымен дәстүрлі «Иштван Борнемисса мемориалы» халықаралық бокс турнирі аяқталды.
Айтулы жарысқа әлемнің 24 елінен 500-ден астам спортшы қатысты. Турнир қорытындысы бойынша Қазақстанның жастар құрамасы (U-19) командалық есепте бірінші орынға ие болып, 15 медаль жеңіп алды. Оның ішінде 6 алтын, 6 күміс және 3 қола жүлде бар. Ұлттық құраманың бас бапкері, Олимпиада чемпионы Бақыт Сәрсекбаев жарыстың үздік жаттықтырушысы атанды.
Қазақстан құрамасының жеңісті жолына алматылық спортшылар да үлес қосты. 50 келіге дейінгі салмақ дәрежесінде Әділ Асқанбай алтын медаль жеңіп алса, 90 келіге дейінгі салмақта Еркетаң Жарқынбек күміс жүлдегер атанды. Ал 55 келіге дейінгі салмақ дәрежесінде Едіге Нұрғожа қола медаль иеленді.