Қазақстан құрамасы Филиппиннің Тагайтай қаласында өтіп жатқан велотректен Азия чемпионатында екінші алтын жүлдесін жеңіп алды. Бұл жолы жасөспірімдер арасындағы мэдисон бәсекесінде Анель Ташбай мен Аружан Қабдулова топ жарды, – деп хабарлайды aqshamnews.kz тілшісі.
Қазақстан велотректен Азия чемпионатындағы екінші алтын медаліне қол жеткізді. Тагайтайда өткен құрлық біріншілігінде Анель Ташбай мен Аружан Қабдулова жасөспірім қыздар арасындағы мэдисон жарысында бірінші орын алды. Екінші орынды Өзбекстан иеленсе, үздік үштікті Тайбэй түйіндеді.
Бұған дейін дәл осы чемпионатта Анель Ташбай, Аружан Қабдулова, Виталина Хоружая, Әлия Букаева және Айгерім Смайылканова жасөспірім қыздар арасындағы командалық қуу жарысында да алтын медаль жеңіп алған болатын. Осылайша Қазақстан қоржынына құрлық додасының екі алтыны түсті.
Азия чемпионаты 2026 жылғы 25–31 наурыз аралығында Филиппинде өтіп жатыр.