Бұл Алматының көші-қон полициясы жүргізген 3 күндік тексеріс нәтижесінде анықталғандары.
Құзырлы орган үш күн ішінде мегаполисте көші-қон заңнамасын бұзудың 405 дерегін тіркеген, деп хабарлайды Almaty-akshamy.kz.
Оның 281-ін шетел азаматтары жасаған. Сондай-ақ шетелдіктердің елімізде болу заңдылығын қамтамасыз ету шараларын қолданбағаны үшін 115 отандасымыз әкімшілік жауапкершілікке тартылған.
«Жұмыс беруші тоғыз отандасымыз шетелдік жұмыс күшін тарту тәртібін бұзған. ПД-нің қабылдап-таратуына жеке басын куәландыратын құжаты жоқ 192 шетелдік орналастырылды. Сонымен қатар іс-шара барасында заңсыз көші-қон арналарын ұйымдастыру бойынша 5 қылмыстық іс тіркелді», - дейді Алматы қаласы ПД көші-қон қызметі басқармасының бастығы Асхат Бутунчинов.