Кино халық қаһарманы Ғазиз Байтасовтың ерлігі жайында болмақ.
Бұл туралы киностудияның маусымашарында белгілі болды. Шара Шәкен Аймановтың 110 жылдығына орай биыл бірінші рет ұйымдастырылды, деп хабарлайды Almaty-akshamy.kz 24.kz-ке сілтеме жасап.
Сондай-ақ осы жылы «Шырмауық» және «Соңғы парыз» картиналары қолға алынады. «Здравствуй, добрый человек» деректі фильмі де таспаланады. Бұл туындылар Ұлттық киноны қолдау мемлекеттік орталығының көмегімен түсіріледі. Инвесторлардың қаржысына «Жабайы», «Болмаған балалық шақ» сынды бес фильмді жарыққа шығару жоспарлап отыр.
«Жыл сайын осы күні маусымашар жасасақ деген ойымыз бар. Соны дәстүрге енгізгіміз келеді. Сол үшін бүгін бастап отырмыз. Мақсат жай ғана датаны атап өту емес. Көрермен бізден не күтеді, қандай кинолар болашақта түсіріледі, қандай жобалар болады? Соның барлығын көрермен қазір біліп отыруы үшін біз арнайы осындай маусымашар жасап отырмыз», - дейді Ш. Айманов атындағы "Қазақфильм" ұлттық киностудиясының президенті Азамат Сатыбалды.