Әбілхан Қастеев атындағы ҚР Мемлекеттік өнер музейі Қазақстан халқы Ассамблеясының 30 жылдығына орай өз қорынан «XX-XXI ғасырлар өнері» экспозициясын ұсынып отыр.
Көрмеде Т.Ялонская (Украина), И.Клычев (Түрікменстан), Н.Никогосян (Армения), Ю.Гусейнов (Әзірбайжан), В.Калнрозе (Латвия), В.Бурмакин (Өзбекстан) сынды өзге де танымал суретшілердің картиналары бар.
Өнер тілі айқын және мәнерлі, бәріне түсінікті және аударманы қажет етпейді. Сондықтан бұл өзара түсіністікке, бірлікке жол ашатын, бір-бірін жақсы білуге, басқа адамдардың, халықтар мен мәдениеттердің көзқарасын, жан дүниесін түсінуге көмектесетін қолжетімді құрал десек те қателеспейміз.
Иә, өнер бәрімізге ортақ және ол бізге тілсіз-ақ маңызды дүниелер туралы айтады: махаббат пен сұлулық, бақыт пен қайғы, парыз бен ар-намыс, адалдық пен достық. Ұлттық мектептер дәстүрінде жұмыс істейтін авторлар кейіпкерлерінің әлемін ұлттық бастамалар арқылы ашуды көздейді.
– Суретшілер өздеріне жақын тәжірибені шартты эстетикалық кеңістікке, интеллектуалды-поэтикалық көзқарас арқылы жеткізеді. Әр шебердің өзіндік стилі мен шығармашылық тәсілі, кескіндеме техникасы мен жанрлық қалауы бар. Экспозицияда, мәселен, Армениядан келген бүлікші ақынның экспрессивті эмоционалды портреті, жемістері бар дәстүрлі шығыс тағамдары, күнде қолданыстағы тұрмыстық заттар, таңертеңгі күн сәулесіндегі шырынды-жасыл бақтар, Латвия ауылы, суаттағы бейне, кілем тоқып отырған халық қолөнершілері, таңсәріде балық аулауға шыққан балықшылар бейненлеген шығармалар бір-бірімен өзара үйлесім тапқан. Өнер де халықты бір-бірімен жақындастыраді, – дейді Ә.Қастеев атындағы ҚР Мемлекеттік өнер музейінің «Шетел өнері» бөлімінің жетекшісі Виолетта Вологодская.
