Қарбыз – тәтті, дәмді және көпшіліктің сүйікті жемісі, оны тұтыну денсаулыққа үлкен пайда әкеледі. Көптеген адамдар оны жеміс немесе көкөніс деп санайды, шын мәнінде, бұл – жидек.
Қарбыз – витаминдер көзі және оның пайдалы қасиеттері көп:
- шөлді және аштықты басады;
- жүйке және жүрек-қан тамырлары жүйелерінің жұмысына оң әсер етеді;
- зәр айдайтын және өт айдайтын қасиеттері бар;
- ішек моторикасын қалыпқа келтіреді.
Қарбыздың құрамында В тобының витаминдері, аскорбин қышқылы, көмірсулар, темір, магний және өсімдік талшықтары бар. Жемістің 90%-ы судан тұрады және ол тамаша зәр айдайтын құрал болып табылады.
Пектин мен талшықтардың болуы ішек моторикасын жақсартады. Қарбыздың пайдалы қасиеттері ағзадағы биохимиялық процестерді реттеуге жақсы әсер етеді, артрит пен подагра ауруларын емдеуге көмектеседі.
Қарбыз жемістерін хирургиялық операциялардан кейінгі қалпына келу кезеңінде рационға енгізуге болады. Қарбыздың жұмсағы – тамаша өт айдайтын құрал.
Оңтүстік жемісін калориясы аз диета ұстанатын адамдарға тұтыну пайдалы, себебі 100 г қарбызда бар болғаны 30 ккал бар.
Қарбызды қалай таңдау керек?
Жарылған және алдын ала кесілген қарбыздарды сатып алмаған жөн, өйткені ішіне қауіпті микробтар мен бактериялар оңай түсіп, адам ағзасына зиян келтіруі мүмкін.
Оңтүстік жемісті дұрыс таңдауды үйрену маңызды. Ішіндегі сары талшықтар, өте ашық қызыл түс және жемістің жылтыр беті оның құрамында нитраттардың көп екенін көрсетеді. Мұндай қарбыздан пайда жоқ, керісінше ол ағзаға үлкен зиян тигізеді.
Нитраттармен улану әлсіздік, жүрек айнуы, ұйқысыздық және қызба тудырады. Бас айналу, құсу және асқазанның бұзылуы сияқты улану белгілері пайда болған жағдайда дереу медициналық көмекке жүгіну қажет.
Тамыз – ең «қарбыздың» уақыты, осы тамаша жидектен дәм татып, ағзаңызды нығайтып үлгеріңіз!
