Қарағандыда әйелдің мәйіті мен ес-түссіз жатқан полиция қызметкері табылды, деп хабарлайды Aqshamnews.kz тілшісі.
Қарағандыда түнде полицияның пунктінен әйел адамның мәйіті табылды. Сондай-ақ оқиға орнынан ес-түссіз жатқан полиция қызметкері ауруханаға жеткізілген. Қарағанды облыстық полиция департаментінің бастығы Негмет Исмагуловтың мәліметінше, бұл оқиға бойынша қылмыстық іс қозғалды. Барлық мән-жайды анықтау үшін арнайы жедел-тергеу тобы құрылып, қызметтік тергеу тағайындалды.
"Оқиға орнында ес-түссіз жатқан полиция қызметкері медициналық мекемеге жеткізілді. (...) Барлық іс-әрекеттер жан-жақты тергеледі, кінәлілер қатаң жауапқа тартылады. Азаматтарды жалған ақпарат таратпауға шақырамын. Бұл істің тергеу барысы менің жеке бақылауымда", - деді Негмет Исмагулов.
Құзырлы органдар қазіргі таңда істің толық мән-жайын анықтап жатыр.