Пәкістанда 17 жастағы Зайн Али есімді жасөспірімге өз отбасының мүшелерін атып өлтіргені үшін 100 жылға бас бостандығынан айыру жазасы тағайындалды, деп хабарлайды Аqshamnews.kz тілшісі.
Қанды оқиға 2021 жылы Лахор қаласының Кахна ауданында болған. Ол кезде айыпталушы небәрі 14 жаста еді. Тергеу деректеріне сәйкес, жасөспірім компьютерлік PUBG ойынына қатты әуестеніп кеткен.
Анасы ойынға тәуелділігі үшін ұлына ескерту жасаған соң, жасөспірім мылтық алып, 45 жастағы анасын, 20 жастағы ағасы Таймурды, 15 жастағы әпкесі Махнурды және 10 жастағы қарындасы Джаннатты атып тастаған.
Лахор соты әрбір қылмыс үшін 25 жылдан, жалпы 100 жылға бас бостандығынан айыруға үкім шығарды. Сот оның жасын ескеріп, өлім жазасын қолданбады.
Іс барысында қылмысқа басты себеп ретінде компьютерлік ойынға тәуелділік көрсетілді.