Өзбекстанда үндістандық өндіруші Marion Biotech сиропын қабылдаған 19 бала қайтыс болған
Өзбекстан Денсаулық сақтау министрлігіне қарасты Фармацевтика өнеркәсібін дамыту агенттігінің қызметкерлері елшілік қызметкерлеріне дәрілер партиясында этиленгликоль бар екені туралы хабарлады. Бұл рұқсат етілген деңгейден 300 есе жоғары.
Сот отырысында анықталғандай, 2022 жылдың қыркүйек-желтоқсан айлары аралығында Самарқанд облысының балалар көпсалалы медициналық орталығына 6 жасқа дейінгі жедел бүйрек жеткіліксіздігімен 21 науқас бала түскен, 15-і-үшке де толмаған балалар. Нәтижесінде үш бала емделіп, үйлеріне жіберілсе, қалған 18-і қайтыс болғанын еске саламыз.
Күні кеше тағы бір баланың ЖРВИ-ға қарсы үнділік дәріден уланғаны белгілі болды. Жөтелге арналған шәрбатты ішкен бала жансақтау бөліміне жеткізілді. Қабылдау-диагностика бөлімінде анамнез жазылды. Жағдай 2022 жылдың 28 желтоқсанында болған.
Сонымен ресми мәліметтер бойынша, Өзбекстанда үндістандық өндіруші Marion Biotech сиропын қабылдаған 19 баланың қайтыс болғаны расталды (дәрі-дәрмекті Quramax Өзбекстанға импорттаған).
Өзбекстанның жаңа денсаулық сақтау министрі Амрилло Иноятов дәріханаларға жазған хатында 2022 жылы Quramax компаниясы әкелген барлық дәрі-дәрмектерді сатуды тоқтатуды тапсырды. Сондай-ақ, Ташкент қалалық сотына "ДОК-1 Макс" пен Амбронол" препараттарының сертификаттарының күшін жою туралы талап арыз бергенін еске саламыз.
