Сонымен қатар, 11 көлік құралы мамандандырылған тұраққа қойылды, деп хабарлайды aqshamnews.kz тілшісі.
Жол жүрісі қауіпсіздігін қамтамасыз ету шеңберінде өткен тәулікте Алматы қаласының аумағында Жол жүрісі қағидаларының 1 835 бұзушылығы анықталды, оның ішінде жол жүрісіне қатысушылардың өмірі мен денсаулығына жоғары қауіп төндіретін 187 өрескел бұзушылық анықталды.
Алматы қаласы прокуратурасының мәліметінше, анықталған бұзушылықтардың ішінде:
көлік құралын масаң күйде басқару – 8;
көлік құралын басқару құқығынан айырылған адамның көлік құралын басқаруы – 3;
қолдан жасалған мемлекеттік тіркеу нөмірлік белгілерімен көлік құралын басқару – 2;
маневр жасау қағидаларын бұзу, оның ішінде қауіпті маневр жасау («шашка») – 84;
қауіпсіздік белдігін тақпау – 47;
қарсы қозғалыс жолағына шығу – 10;
көлік құралын басқару кезінде ұялы телефонды пайдалану – 33.
Сонымен қатар, 11 көлік құралы мамандандырылған тұраққа қойылды.