Жол қозғалысы қауіпсіздігін қамтамасыз ету шеңберінде өткен тәулікте Алматы қаласының аумағында Жол жүрісі қағидаларын бұзудың 1 518 дерегі анықталды, – деп хабарлайды aqshamnews.kz тілшісі.
Оның ішінде жол қозғалысына қатысушылардың өмірі мен денсаулығына жоғары қауіп төндіретін 129 өрескел құқық бұзушылық тіркелді.
Анықталған құқық бұзушылықтардың ішінде:
* көлік құралын масаң күйде басқару – 5;
* көлік құралын жалған мемлекеттік тіркеу нөмірлік белгілерімен басқару – 1;
* қарсы бағыттағы қозғалыс жолағына шығу – 6;
* маневр жасау қағидаларын бұзу, оның ішінде қауіпті маневр жасау («шашки») – 60;
* қауіпсіздік белдігін тақпау – 33;
* көлік құралын басқару кезінде ұялы телефонды пайдалану – 24.
Сонымен қатар, 10 көлік құралы мамандандырылған тұраққа қойылды.
Дереккөз: Алматы қаласының прокуратурасы.