Ғалымдар адам миынан микропластиктердің іздерін тапты.
Білікті мамандардың айтуынша, бүгінде микропластик адам миының 0,5 пайызын құраса, болашақта бұл көрсеткіш артады, деп хабарлайды aqshamnews.kz.
Бұл жайында islam.kz порталы The Hill ақпарат көзіне сілтеме жасай отырып мәлім етеді.
2024 жылы аутопсия, яғни, тексеру барысында 45 пен 50 жас аралығындағы адамдардың миында грамына шаққанда 4,8 мың микрограмм концентрацияда пластикалық бөлшектер табылды, бұл мөлшер ұлпа салмағының шамамен 0,5%-н құрайды. Бұл көрсеткіш 2016 жылғы ми үлгілерінде кездескен микропластик мөлшерінен 50%-ға көп. Бұл тараптағы зерттеу нәтижесінде мида ұсақ пластмассалардың концентрациясы, яғни, шоғырлану деңгейі бауыр немесе бүйрекке қарағанда жоғары екені және барлық ағзалардағы пластиктің мөлшері уақыт өте келе айтарлықтай артқаны анықталып отыр. Ал миға жиналған микропластиктің емі жоқ Альцгеймер секілді алжу дертінің пайда болу қаупін арттыратыны бұрынғы зерттеулерден белгілі болған еді.