Кітаптың авторлары — Қазақстандағы Корея Республикасының бұрынғы бас консулы Сон Чи Гын және Орта Азия зерттеушісі Чо Ын Джон. "Бауырлас ел — Қазақстан" атты кітап жеті бөлімнен тұрады, онда екі елдің ортақ белгілері, соның ішінде тілдік ерекшеліктер мен мәдени байланыстар ашылады, деп хабарлайды aqshamnews.kz
Оқырмандар кітаптан Қазақстанның астанасы, Байқоңыр ғарыш айлағы және Қазақстандағы корейлердің тарихи мекені — Үштөбе туралы оқып біле алады. Сонымен қатар, кітапта еліміздің туристік көрікті жерлері де таныстырылады. Жоба бойынша жұмыс 10 жыл бойы жүргізілді.
Сон Чи Гынның айтуынша, кітап оның бауырластық қатынастардың маңыздылығын көрсетуге деген талпынысының нәтижесі болып табылады.