Биыл өңірлердегі сұранысқа ие мамандықтарға 2,5 мыңға жуық әкімдік гранты бөлінді.
Педагогика мен медицина мамандықтарына басымдық берілген, деп хабарлайды Almaty-akshamy.kz.
Qazaqstan.tv ақапараты бойынша, грант саны бойынша Астана қаласы көш бастап тұр. Әкімдік талапкерлерге 1 068 грант бөлді. Шығыс Қазақстан облысы 270, Абай облысы 200 грант қарастырып отыр. Алғашқы бестікті 175 грантпен Маңғыстау және 160 грантпен Ақмола облыстары қорытындылайды.
Алматы мен Шымкент қаласы, Қызылорда, Түркістан және Павлодар облыстарының әкімдіктері биыл грант бөлген жоқ. Айта кетейік, құжаттар жоғары оқу орындарының қабылдау комиссиясында қабылданады. Әкімдік грантына өтініш беру мен конкурс қорытындысын шығару мерзімін әр өңір өзі бекітеді.
Астана – 1 068
ШҚО – 270
Абай облысы – 200
Маңғыстау облысы – 175
Ақмола облысы – 160
Жетісу облысы – 100
Алматы облысы – 95
Ұлытау облысы – 90
БҚО – 86
Атырау облысы – 80
Жамбыл облысы – 55
Ақтөбе облысы – 38
Қарағанды облысы – 20
СҚО – 18
Қостанай облысы - 15