Әншілер өздері үшін бұл үлкен мәртебе екенін айтты.
Ninety One мүшелері балалар құқығын қорғау және насихаттаумен айналысатын әлемдегі танымал тұлғалардың қатарына қосылды, деп хабарлайды Almaty-akshamy.kz
"ЮНИСЕФ біздің елде ғана емес, бүкіл әлемде үлкен жұмыс атқарып келеді және біз бұл жұмысқа қолдау көрсету мүмкіндігіне ие болғанымызға өте қуаныштымыз. Музыка адамдарды жақындастырады. Осы ретте біз де музыкамыздың көмегімен адамдардың жүрегіне жол тауып, санасын қозғап, Қазақстан балаларын мазалайтын маңызды мәселелерді айта аламыз деп үміттенеміз", - деді топ мүшелерінің бірі.
ЮНИСЕФ-тің Қазақстандағы ізгі ниет елшілері ретінде бұл топ балалардың онлайн және офлайн режимінде кездесетін түрлі қиындығы туралы қоғамның хабардарлығын арттыруға көмектеседі. Бұл ретте интернеттегі психикалық денсаулық пен қауіпсіздік мәселесіне ерекше назар аударылмақ. Топ мүшелері балалардың құқығын қорғау үшін бұқаралық ақпарат құралдарын пайдаланып, олар арқылы жастарды толғандыратын мәселелерге де назар аудармақ.