2025 жылдың 1 қаңтарынан бастап Біріккен Араб Әмірліктерінде (БАӘ) некеге тұруды жоспарлаған жұптар үшін генетикалық тестілеуден өту міндеттелді. Бұл шешім болашақ ұрпақтың денсаулығын қамтамасыз ету және тұқым қуалайтын аурулардың алдын алу мақсатында қабылданған, деп хабарлайды aqshamnews.kz
БАӘ үкіметінің мәліметінше, тестілеу 570-тен астам гендік мутация мен 840-қа жуық ауруды анықтауға мүмкіндік береді. Олардың ішінде эпилепсия, муковисцидоз және жүрек патологиялары секілді тұқым қуалайтын аурулар бар.
Пилоттық жоба нәтижесінде, тесттен өткен жұптардың 86%-ы генетикалық тұрғыдан үйлесімді деп танылса, 14%-ына қосымша медициналық кеңес беру ұсынылған. Сонымен қатар, скринингке ВИЧ, гепатиттер, мерез және басқа да инфекциялық ауруларға тестілеу енгізілген.
БАӘ тәжірибесі қоғамда тұқым қуалайтын ауруларды азайтуға және дені сау ұрпақ тәрбиелеуге септігін тигізеді. Қазақстанда да осындай бастаманы енгізу қажет пе? Сіз қалай ойлайсыз?