Республика күніне орай "Республика күні – ұлттық бірлік пен жаңғыру мерекесі" тақырыбында "дөңгелек үстел" өтті.
Іс-шараның мақсаты – елдің тәуелсіздігі мен мемлекеттіліктің қалыптасуындағы Республика күнінің тарихи маңызын дәріптеу, сондай-ақ қазақстандық қоғамдағы бірлік пен жаңғыру құндылықтарын насихаттау.
"Республика күні – бұл еліміздің туған күні. Қадірлі жастар, бұл әрқайсысымыз үшін ең қымбат, ең қадірлі күн болуы тиіс. Біз осынау Тәуелсіздіктің, бейбіт өмірдің қадірін білуіміз керек. Әне, байқасаңыздар, қуатты деген Газаның өзі бір күннің ішінде жермен-жексен болды. Мысалы, ол табиғаттың апаты болса, онда түсінер едік. Осының бәрі мемлекеттер, ұлттар арасындағы түсінбеушілік, алауыздықтың кесірінен. Сондықтан, жастар, бізге бейбіт өмір, мәдени сана, жоғары білім керек. Егер мемлекетіміз тыныштық құшағында болса, мәдениетіміз де, өнеріміз де, ғылымымыз да, бәрі әлемдік деңгейге көтеріле алады. Тәуелсіздік мына отырған өздеріңе аманат, айналайындар! Білімге, ғылымға ұмтылыңдар, тіл біліңдер. Сонда сендер алмайтын қамал болмайды", – деді Абай атындағы Қазақ ұлттық педагогикалық университетінің профессоры, тарих ғылымының докторы Ғизаттулла Халидуллин.
"Дөңгелек үстел" басындағы әңгімеде тарих ғылымдарының докторы Ханзада Сутева, аға оқытушы, магистр Медет Азанбаев, гуманитарлық ғылымдарының магистрі Гүлжанат Ғабдулахметқызы мен "Аманат" партиясы Алатау аудандық филиалының төрайымы Жарқынгүл Алдамбергенова да ой-пікірлерін ортаға салды.
Кеште өнерлі жасөсіпірімдерден құралған "Алаш" ансамблі мен "Дара тұмар" орталығының оқушылары өнер көсертті. Жиналғандар "Ерке сылқым", "Көне тараз", "Ақарал", "Әке толғауы" сынды күйлерді тыңдап, қол соғып, өрендерге шығармашылық табыс тіледі.