Neurology журналында жарияланған ұсыныстар когнитив денсаулықты әрдайым сақтауға, жүйке ауруларының қаупін азайтуға көмектеседі.
Американың неврология академиясы мидың саулығына әсер ететін 12 факторды атады.
Ми саулығының негізгі факторлары:
Ұйқы. Дұрыс ұйқы – миды қалпына келтірудің негізі. Ұйқыдан кейін өзіңізді жайлы, тыныққан адам сияқты сезінуіңіз керек.
Эмоция саулығы. Созылмалы стресс, үрей немесе депрессия мидың жұмысын нашарлатуы мүмкін.
Тамақтану. Дұрыс тамақтану когнитивті функцияны жақсартады. Тағамыңызда қоректік заттар мен дәрумендер жеткілікті болсын.
Дене белсенділігі. Қимыл-қозғалыс қан айналымын жақсартады және нейрондарды қорғайды.
Әлеуметтік белсенділік. Жақын адамдардың жанашырлығы, мейірім психика саулығы үшін маңызды.
Жарақаттанудың алдын алу. Бас жарақатын болдырмауға тырысыңыз, көлікте қауіпсіздік белдігін тағыңыз, мотоциклде шлем кию керек.
Қан қысымын бақылау. Жоғары қан қысымы миға теріс әсер етеді. Үнемі өлшеп жүріңіз.
Метаболика. Қант пен холестерин қалыпты болса, неврологиялық аурулардың қаупі азаяды.
Емдеу режимін сақтау. Дәрі-дәрмекті жөн-жосықсыз пайдалануға болмайды.
Вакцинация. Екпелер миға әсер ететін инфекциялардан қорғауға көмектеседі.
Зиянды әдеттен аулақ болу. Шылымнан бас тарту, алкогольді шамадан тыс тұтынбау маңызды.
Әлеуметтік факторлар. Қауіпсіз баспана, медициналық көмектің қолжетімді болғаны жақсы.