Бағы жанған футболшы
Әлемдік футбол тарихында есімі алтын әріппен жазылатын екі аяқ доп шебері болса, соның бірі – Месси. Сарапшылардың пікіріне сүйенсек, бала күнінде көп қиыншылық көрген балалар өскенде үлкен мақсаттарға жетеді екен. Өйткені, әбден ысылып, өмірдің барлық соқпағынан өткендер есейген шағында кез келген жағдайға дайын болатын көрінеді. Ойша бағамдар болсаңыз, әрбір жетістікке жеткен адам үнемі өзін жетілдіргені байқалады. Мәселен, жастайынан ата-анасына жәрдемдесіп қолғанат болады. Сонымен қатар айналасына жанашыр болып келеді. Ол жанның бойында адамзатқа деген ішкі құрметі мен дүниені танып-білуге қатысты энергиясы мол болады. Осылайша айналасына шуағын шашып жүреді. Бүгінгі біздің кейіпкерімізде осы аталған қасиеттердің барлығы бар. Сол себепті де келтірілген мысалдарға арнайы тоқталып, қысқаша айтуды жөн санадық.
Аргентиналық Лионель Андрес Месси дүние жүзіндегі ең үздік, ең мықты кәсіпқой футболшы. Жарық жұлдыз, ала доптың супер шебері туралы 5 қызықты дерекпен бөлісеміз:
* Мессидің тұңғыш келісімшарты қол сүртетін қағазға жасалған. Оның әкесі Хорке Барселона директоры Карлос Рекшасқа жылдам қол қоюды өтінген. Мейрамхана даяшысынан қол сүртетін қағаз сұрап, келісім шартты соған жасаған.
* 2004 жылы 16 қазанда Лионель Месси Барселона сабында Эспанольға қарсы өнер көрсетіп көзге түседі. Сол жылы 17 жасында Испания біріншілігінде кәмелетке толғаннан кейін берілетін «ең үздік жас футболшы» атағын иемденеді.
* Ол әлемдегі футболшылар алатын ең бастысы номинация – «Алтын допты» 6 рет, «Алтын бутсыды» 3 мәрте алған бірден-бір рекордшы.
* Аргентиналық танымал CULE спорт басылымы жерлестерінің құрметіне газеттің атын өзгертіп бір рет ЛЕО деп шыққан.
* Сарапшылар оның сол аяғының ептілігін Марадонаның аяғымен салыстырса, жылдамдығын Кройф пен Роналдиньоға теңестіреді. Месси өзінің спорттық карьерасында 642 артық ойын өткізіп, 550 астам гол соққан нағыз талант иесі.