Сахнада дыбыс пен жарық жүйелері толықтай тексеріліп, концертке қатысатын жұлдызды қонақтар алдын ала келіп, өз өнерлерін пысықтауда. Сондай-ақ от шашу элементтері бірнеше мәрте сынақтан өткізіліп, кештің техникалық қауіпсіздігі толық қамтамасыз етілуде.
Сонымен қатар, қала тұрғындары да алдағы концерттен ерекше әсер күтетіндерін жасырмады.
Қала тұрғыны Үміт:
«Жаңа жылдық басты концертке алғаш рет келіп тұрмын. Әр жыл сайын келе бермеймін, сондықтан биыл ертерек келіп, сахнаны жақын жерден көруді жөн көрдім. Басты мақсатым — Ninety One тобының әндерін тыңдау. Алаңға келген сәттен бастап ерекше әсер сезіледі: әсем безендірілген орта, түрлі түсті жарықтар, әуен мен халықтың бір-біріне беретін жылы энергиясы бірден байқалады. 00:00-ге дейін осында болып, бірге күліп, билеп, ән тыңдап, кейін отбасыммен қосылып Жаңа жылды қарсы аламын», — дейді ол.