18 желтоқсан күні "Хабар" телеарнасынан әйгілі әнші туралы тарихи фильм көрермен назарына ұсынылады.
Осы жылы Роза Бағланованың өмірі жайлы тарихи драма телеэфирде шығады, деп хабарлайды Almaty-akshamy.kz
ҚР Ақпарат және қоғамдық даму министрлігінің қолдауымен 18-19 желтоқсан 12:30-да «Хабар» телеарнасы КСРО Халық әртісі Роза Бағланованың өміріне арналған тарихи «Бұлбұл» телехикаясының тұсаукесерін ұсынбақ.
Жақында Алматыда аты аңызға айналған әншінің туыстары мен достарының қатысуымен жабық көрсетілім өтті. 2022 жылдың 1 қаңтарында туғанына 100 жыл толады.
«Бұлбұл» телехикаясы – ұлы тұлғаның өмірінен сыр шертетін заманауи байопик канондарына құралған биографиялық картина. Роза Бағланова өмірінің негізгі тұстарын ашатын тарихи бөлімі де бар. Шығармашылықтан тыс өмірі де көрсетілген. Роза Тәжібайқызының іссапарлары мен әншілігінен бөлек белсенді азаматтық ұстанымы да бар болатын. Арал теңізі мен Семей полигоны мәселелері жайлы жиі айтатын.
«Бұл күндер өте ауыр, бірақ өте қызықты өткен еді. Карантинға байланысты түсірілімді кейінге шегеріп жүрдік. Бірақ ештеңеге қарамастан, сериалды Ташкентте де, Минскіде де, Алматыда да түсірдік. Декорация, сахналық костюмдер таңдау және безендіру бойынша көп жұмыс жасалды. Тіпті базар аралап, әжелерден сатып алып та жүрдік», - деді бас продюсер Гүлнұр Мамасарипова.
