Президентке қордың өндірістік, қаржылық көрсеткіштері мен осы жылға арналған болжамдары туралы баяндалды.
Кездесу соңында Қасым-Жомарт Тоқаев «Самұрық-Қазына» акционерлік қоғамының қызметіне қатысты бірқатар нақты тапсырма берді, деп хабарлайды Almaty-akshamy.kz
Кездесу барысында Алмасадам Сәтқалиев «Самұрық-Қазына» қорының биылғы төрт айда атқарған жұмыстарының қорытындысы жөнінде есеп берді. Қордың өндірістік, қаржылық көрсеткіштері мен осы жылға арналған болжамдары туралы баяндады. «Самұрық-Қазына» акционерлік қоғамының қазіргі уақытта жоспарланған нәтижеге қол жеткізгені туралы хабарлады. Сондай-ақ маңызды инвестициялық жобалардың іске асырылу барысы, ірі инфрақұрылымдық нысандарға жүргізілген жөндеу жұмыстары, сондай-ақ Қорға қарасты портфельді компаниялардың IPO-ға дайындығы жөнінде баяндады.