Мемлекет басшысы иран халқына көңіл айтты

Мемлекет басшысы иран халқына көңіл айтты akorda.kz

Қазақстан Республикасының Президенті Қасым-Жомарт Тоқаев Астанадағы Иран Ислам Республикасының елшілігіне барып, Иран Президенті Ибрахим Раиси мен Үкімет делегациясы мүшелерінің тікұшақ апаты салдарынан қаза табуына байланысты иран халқына көңіл айтты және қолдау білдірді, деп хабарлайды almaty-akshamy.kz 

Президент Тоқаев көңіл айту кітабына жазба қалдырды. Жазбада ол көңіл айтып, Ибрахим Раисидің және үкімет делегациясы мүшелерінің мезгілсіз қазасы туралы қаралы хабардың қабырғаны қайыстырғанын жеткізді. Ол Ибрахим Раисиді өз ұлтының ұлы перзенті, Отанына адал қызмет еткен тұғырлы тұлға деп атады.

«Иран Ислам Республикасының Президенті Ибрахим Раисидің және Үкімет делегациясы мүшелерінің мезгілсіз қазасы туралы қаралы хабар қабырғамызды қайыстырды. Өз ұлтының ұлы перзенті Ибрахим Раиси – Отанына адал қызмет еткен тұғырлы тұлға. Біз оны парасатты басшы, беделді саясаткер, екі елдің ынтымақтастығын нығайтуға зор еңбек сіңірген қайраткер ретінде әрдайым есте сақтаймыз. Қазақ халқының және өзімнің атымнан ирандық бауырларымызға қайғырып көңіл айтамын. Марқұмдардың иманы саламат, рухы пейіште болсын!» – деп жазды Мемлекет басшысы.

Бұл қадам Қазақстан мен Иран арасындағы достық және ынтымақтастық байланыстарын нығайтуға бағытталған маңызды қадамдардың бірі болып табылады.

 

 

Сіздің реакцияңыз?
Ұнату
0
Ұнамайды
0
Күлкілі
0
Шектен шыққан
0
Соңғы жаңалықтар

20:21

20:15

19:42

19:10

18:45

18:07

17:31

17:19

17:17

17:12

17:01

16:36

16:31

16:26

15:46

15:15

15:02

14:55

14:53

13:10

12:49

12:27

12:01

11:59

11:29