Алдияр Токтаров, Атом өнеркәсібін дамыту қауымдастығының төрағасы:
- Мен сіздерге АЭС-тің неге Қазақстан үшін энергетикалық тәуелсіздікке жетудің жалғыз жолы екенін қарапайым тілмен түсіндіргім келеді. Егер Қазақстан осы бағытты таңдамаса, жақын арада тәуекел тобына енуі мүмкін. Еуропа жақын болашақта көмір энергиясы арқылы өндірілген өнімдерге карбон салығын енгізуді жоспарлап отыр. Ал біздің энергия жүйеміз дәл осы көмір генерациясына сүйенеді.
Ойлап қараңыздар, егер елімізде өндірілетін барлық тауарлар халықаралық нарықта «қара тізімге» ілінсе, бізді не күтіп тұр? Бұл мәселені шешетін жол – атом энергетикасы. АЭС салу арқылы Қазақстан өз энергетикалық жүйесін жаңартып, көміртекті төмендетуге қол жеткізеді, бұл әлемдік нарықта бәсекеге қабілеттілігімізді сақтап қалуға мүмкіндік береді.