Марат Сұлтанғазиев Алматы облысының әкімі лауазымынан босатылды, – деп хабарлайды aqshamnews.kz тілшісі.
Бұл туралы Ақорданың баспасөз қызметі хабарлады.
"Мемлекет басшысының Жарлығымен Марат Елеусізұлы Сұлтанғазиев Алматы облысының әкімі лауазымынан босатылды", - делінген хабарламада.
Айта кетейік, Марат Сұлтанғазиев Алматы облысын төрт жылдан астам уақыт басқарды. Ол өңір әкімі қызметіне алғаш рет 2022 жылғы 11 маусымда тағайындалған. Сол жылдың желтоқсанында қайта тағайындалып, қызметін жалғастырды.
Марат Сұлтанғазиев 1976 жылы Алматы облысында дүниеге келген. Абай атындағы Алматы мемлекеттік университетін экономист-қаржыгер, Қазақ мемлекеттік заң академиясын заңгер мамандығы бойынша тәмамдаған. Сондай-ақ Т. Рысқұлов атындағы Қазақ экономикалық университетінде іскерлік әкімшілендіру бойынша магистр дәрежесін алған.
Еңбек жолын салық органдарында бастаған. Кейін Қаржы министрлігінде және Президент Әкімшілігінде бірқатар басшылық қызмет атқарды. 2018-2021 жылдары Мемлекеттік кірістер комитетін басқарды. 2021-2022 жылдары қаржы вице-министрі, кейін бірінші вице-министр болды.
2019 жылы «Құрмет» орденімен марапатталған.
Оқи отырыңыз: Президент тапсырмалары: ауыл шаруашылығында 13,5 млн гектар жер қайта бөлінді