Шарада ағылшын тіліне алғаш рет аударылған «Ахмет Байтұрсынұлы және Алаш» кітабының тұсауы кесілді.
Кітапты Ұлттық аударма бюросы басып шығарған, деп хабарлайды Almaty-akshamy.kz Elorda.info сайтына сілтеме жасап.
Қазақстанның Біріккен Корольдіктегі елшілігі ұйымдастырған шараға британиялық шығармашылық интеллигенция өкілдері қатысты. Ағылшын ақын-жазушыларына, аудармашыларына Ахмет Байтұрсынұлының өмірі және шығармашылығымен тереңірек танысуға жағдай жасалды.
Жинаққа қазақ әдебиеті және мәдениеті көрнекті қайраткерлерінің Ахмет Байтұрсынұлы туралы жазған еңбектері енген. Ішінен Мұхтар Әуезов, Міржақып Дулатов, Сәкен Сейфуллиннен бөлек, Мәмбет Қойгелді, Дархан Қыдырәлі, Дихан Қамзабекұлы сияқты қазіргі алаштанушы ғалымдардың зерттеулерін де табуға болады.