Ерлер бәсекесінде тек 80 келідегі әлем чемпионы Нұрбек Оралбай ғана жартылай финалға шықты.
Париж олимпиадасындағы бокстан ширек финалға байланысты ұлттық құраманың бас бапкері Мырзағали Айтжанов өз пікірін айтты, деп хабарлайды aqshamnews.kz
«Олимпиада ойындары біз үшін сәтсіз болды. Халық бәрін көріп отыр. Сәкен рингте бар күшін салды. Барлығын төрешілерге аудара салғым келмейді. Кімнің қолын көтерді, сол жеңіске жетті. Кезінде екі ғана қола алған сәтіміз болып еді. Бүгін оғанда қол жеткізе алмадық. Әлемнің екі мықты боксшысы кездесіп, өте жақын деңгейде өтті. Мен үшін Сәкен — жеңімпаз. Сәкен екі раундта жеңіп, үшінші раундта тең түсті», деді бапкер.