Алматыда танымал сауда қосымшаларының бірінде картоп бағасы келісі 10 теңгеден сатылып жатқаны жайлы ақпарат тарады. Жеңілдік қашанға дейін жалғасады? Тараған ақпарат рас па? Аqshamnews.kz тілшісі анықтап көрді.
Сауда қосымшасында картоп бағасы 10 тг-ден көрсетілген. Алайда бір тұтынушы 3 келіден артық тапсырыс бере алмайды.
Magnum дүкенінің тұтынушыларға қызмет көрсету желісі жағдайға түсініктеме берді.
"Аталмыш жеңілдік тек онлайн тапсырыс беру жүйесінде ғана қолжетімді. Дүкендерде мұндай жеңілдік қарастырылмаған. Тапсырыс туралы толығырақ тапсырыс беру қосымшасына хабарласу арқылы біле аласыз" деп жауап берді оператор.
Кері байланыс қалдырушылар жеңілдіктің расымен жүріп жатқанын, тапсырыстарын алғандарын жазып жатыр.
Еске салайық, бұған дейін көпшілік тіл мәселесіне байланысты жұмыстан қуылған Magnum қызметкерінің оқиғасына қатысты дүкендер желісіне бойкот жариялаған болатын.