Калифорнияда орналасқан барлық «Болашақ» бағдарламасының стипендиаттары Лос-Анжелестегі ауқымды орман өрттері салдарынан кураторларымен байланыс орнатқан, деп хабарлайды aqshamnews.kz Халықаралық бағдарламалар орталығына сілтеме жасап.
«Барлық стипендиаттарды қауіпсіздік шараларын қатаң сақтауға шақырамыз. Сондай-ақ, шұғыл байланыс үшін Сан-Францискодағы Қазақстан Республикасының Консулдығына мына мекенжай бойынша хабарласуды сұраймыз: 456 Montgomery St., Suite 950 & GC-5, San Francisco, CA, 94104. Байланыс телефондары: +1 (650) 741-8894, email: sanfrancisco@mfa.kz», — деп жазылған Халықаралық бағдарламалар орталығының хабарламасында.
Калифорнияда 73 қазақстандық студент оқып жатыр, оның 56-ы «Болашақ» бағдарламасы бойынша, қалғандары Ғылыми тағылымдамалар бағдарламасы аясында білім алуда.