Көпқабатты үйлердің тұрғындары көбіне балкондарын шынылап тастайды ғой. Жақында балконы жабық үй иелері де жылу үшін қосымша ақы төлейді деген сыбыс шықты. Бұл заңды ма?
ӘСИЯ, зейнеткер.
ҚР Энергетика министрлігінің «Электр қуатын пайдалану ережелерін және жылу қуатын пайдалану ережелерін бекіту туралы» 2015 жылғы 23 ақпандағы №3455 бұйрығының 12-бөліміндегі 56-тармағына сәйкес, жылу қуатын пайдаланғаны үшін төленетін ақы реттейтін орган тарапынан тариф бойынша белгіленеді. Төлемақы тек жылу берілетін бөлмелер үшін алынады. Егер жабық балконға жылу құбыры тартылған болса, онда пәтер иесі белгіленген тәртіппен ақы төлейді.