Қарсылас - бразилиялық Фелипе Буньес
Қазақстандық Жалғас Жұмағұловтың (14-8) UFC-дегі келесі қарсыласы белгілі болды, деп хабарлайды Almaty-akshamy.kz Vesti.kz-ке сілтеме жасап.
Инсайдер Игорь Лазориннің мәліметінше, қарсылас - бразилиялық Фелипе Буньес. Бұл айқас 17 маусымға жоспарланған.
Буньес 33 жаста, LFA лигасында өнер көрсеткен, рекорды 13-6. Сонымен бірге, ол АСА промоушенінде де жұдырықтасқан, онда бір рет жеңіп, үш жеңілген екен.
Еске салайық, Жалғас өзге бразилиялық Рафаэл Эстевамен айқасу керек болған, алайда ол салмақ түсіру кезінде қиындықтарға тап болыпты. Осыдан 6 мамырға белгіленген жекпе-жек өтпей қалды. Ал әу баста Эстевамаға дейін Жұмағұлов америкалық Нэйт Манесспен жекпе-жекке шығу керек еді, ол болса жарақат алып қалып, бас тартты.
Алдағы кездесу - Жалғас үшін UFC-мен келісімшарт бойынша соңғысы.