17 қарашада Қазақстан Президенті қол қойған жасанды интеллект (ЖИ) туралы заңнан кейін цифрлық сауаттылық тақырыбы айрықша өзекті болып отыр, - деп хабарлайды aqshamnews.kz.
Мемлекет ЖИ-ді реттеу жүйесін қалыптастырып жатқан кезде, креативті сектор жаңа даму құралын алды.
Орталық Азия елдерінде ЮНЕСКО-ның Алматыдағы өңірлік кеңсесінің қолдауымен мәдениет және креативті индустриялар саласындағы алғашқы тегін онлайн-курс жалғасуда. Курс шығармашылық мамандарға әлеуметтік желілер, электрондық коммерция, логистика және ЖИ-ді қолдану бойынша заманауи цифрлық дағдыларды меңгеруге көмектеседі.
Бағдарлама медиа, мода, архитектура, музыка, кино, дизайн және жаңа медиа салаларындағы халықаралық сарапшылардың қатысуымен жеті бейнемодуль мен тоғыз подкасттан тұрады. Жоба жетекшісі Айка Алеми атап өткендей, «Цифрлық дағдылар креативті индустрияларда жай қосымша емес, нақты бәсекелік артықшылыққа айналды».
Онлайн-курстар YouTube, Instagram және Telegram-арнада қолжетімді.