9 сәуірге арналған ауа райы болжамы
Сәрсенбі, 9 сәуір күні Қазақстанның басым бөлігінде ауа райы тұрақсыз болады. «Қазгидромет» синоптиктерінің мәліметінше, найзағайлы жаңбыр, тұман және жел күтіледі. Бұл туралы Aqshamnews.kz сайты хабарлайды.
Еліміздің шығысында түнгі уақытта жауын-шашын күшейіп, кей жерлерде қатты жаңбырға ұласуы мүмкін. Оңтүстік-шығыс өңірлерде шаңды дауыл болады деген болжам бар. Ал республиканың орталығында ғана жауын-шашынсыз, салыстырмалы түрде жайлы ауа райы күтілуде.
Аймақтардағы ауа райы:
Астана қаласы
Елордада күн бұлтты болады. Жаңбыр жауып, түнде ауа температурасы +3–5 °C, күндіз +18–20 °C шамасында болмақ.
Алматы қаласы
Оңтүстік астанада ауа райы салыстырмалы түрде қолайлы: аспан бұлтты болғанымен, жауын-шашын болмайды. Температура түнде +8–10 °C, күндіз +20–22 °C.
Шымкент қаласы
Шымкентте де жауын-шашынсыз ауа райы күтіледі. Кешкі температура +10–12 °C болса, күндіз +24–26 °C-қа дейін көтеріледі.