«Қазгидромет» РМК мәліметінше, жексенбі күні Астанада найзағай ойнайды деп күтіліп отыр, деп хабарлайды Aqshamnews.kz.
Түнде желдің екпіні 7-12 м/с, күндіз 9-14 м/с шамасында болып, кей жерлерде 15-20 м/с-қа дейін жетуі мүмкін. Ауа температурасы күндіз +26…+28°C, түнде +16…+18°C болады.
Ал Алматыда күн бұлтты, бірақ жауын-шашын болмайды. Жел 3-8 м/с шамасында соғады. Күндізгі температура +37…+39°C, түнде +24…+26°C.
Шымкентте де күн бұлтты, бірақ құрғақ болады. Желдің жылдамдығы 8-13 м/с. Күндіз +35…+37°C, түнде +22…+24°C аралығында болады.