Фархат Дауылбеков, Үлкен ауылының тұрғыны:
Зиянды деп айтушылар бар, бірақ біз шынайы өмірде әр нәрсенің екі жағы барын түсінуіміз керек. Егер бәрін зиянды деп тыйып тастасақ, қараңғыда отыратын күнге жетеміз. Шетелдер әлдеқашан атом энергиясын қолданып, дамып кетті. Жапония сияқты елдерде жиырмадан астам АЭС жұмыс істеп тұр. Қазақстанға да осындай бір-екі АЭС орнатуға неге болмайды? Электр энергиясының бағасы күн сайын өсіп жатыр, ал АЭС – бұл мәселені шешудің тиімді жолы.
Үлкен ауылының тұрғындары үшін бұл жоба ауылды қайта жаңғыртуға үлкен мүмкіндік болмақ. Жұмыс орындарының ашылуы, ауылдағы инфрақұрылымның дамуы және жергілікті экономиканың өркендеуі – осының бәрі АЭС құрылысына байланысты. Жастар қалаға кетуге мәжбүр болмайды, ауылда тұрақты жұмыс пен дамуға жол ашылады.