Жүз жылдан астам тарихы бар республикалық «Жас Алаш» газетінде басшылық құрамда өзгеріс болды, деп хабарлайды Aqshamnews.kz "Адырна" ұлттық порталына сілтеме жасап.
Басылымның жаңа бас редакторы болып белгілі журналист әрі медиаменеджер Ерік Рахым тағайындалды.
Ерік Рахым – әл-Фараби атындағы Қазақ ұлттық университетінің журналистика факультетінің түлегі. Оның журналистика саласындағы еңбек жолы 2002-2003 жылдары халықаралық «Түркістан» газетінде тілші қызметінен басталған.
2003-2015 жылдары Ерік Рахым «Жас Алаш» редакциясында жұмыс істеп, тілші, бөлім меңгерушісі, жауапты хатшы және бас редактордың орынбасары қызметтерін атқарды.
2015-2019 жылдар аралығында ол «ТұранТВ» телеарнасында редактор, сондай-ақ Bairaq.kz және Oinet.kz сайттарында бас редактор болды.
2019 жылдың қарашасынан 2025 жылдың қарашасына дейін журналист Nege.kz ақпараттық-сараптамалық порталының бас редакторы қызметін атқарған.