Халыққа қызмет көрсету орталығының қызметкерлері жалған құжат жасаған, деп хабарлайды aqshamnews.kz Polisia.kz-ке сілтеме жасап.
Бұған қатысты Қазақстан Қылмыстық кодексінің 394-бабы бойынша қылмыстық іс қозғалды. Алматы облысында жалған құжат рәсімдеген Халыққа қызмет көрсету орталығының қызметкерлері анықталды.
"Алматы облысында полиция қызметкерлері ХҚКО-ның үш қызметкері ұйымдастырған заңсыз көші-қон арнасын анықтады. Олар жеке басының пайдасы үшін заңды бұза отырып, еңбек мигранттарын заңдастыру үшін жалған құжаттар жасаған", - деп жазылған хабарламада.
Қазақстан Қылмыстық кодексінің 394-бабы бойынша қылмыстық іс қозғалды.
Бұл жағдай ІІМ көші-қон қызметі комитеті ұйымдастырған ауқымды жедел-алдын алу іс-шарасы барысында анықталды.
Ақпаратқа сәйкес, полицейлер көші-қон заңнамасын бұзудың 7 мыңнан астам дерегіне тосқауыл қойды:
2,5 мыңнан астам шетелдік Қазақстан Республикасының аумағында болу мерзімдерін бұзған,
862 шетелдік тиісті рұқсатсыз жұмыс істеген,
499 қазақстандық жұмыс беруші заңсыз шетелдік жұмыс күшін тартқан,
3 мыңнан астам қабылдаушы тұлға ішкі істер органдарына шетелдік азаматтардың өздерінде тұратыны туралы хабарламаған.
Барлық құқық бұзушы жауапқа тартылды. Сонымен қатар 678 шетелдік азамат елден шығарылды, енді оларға Қазақстанға кіруге бес жылға тыйым салынады. Алғаш рет Мысыр азаматтарының заңсыз еңбек қызметі фактісі тіркелді. Қарағандыда ірі құрылыс алаңында рұқсатсыз жұмыс істеген осы елдің 14 азаматы табылды.
"Алматы облысының Жамбыл ауданында көші-қон қызметінің қызметкерлері заңсыз алкоголь өндірумен айналысқан 12 ҚХР азаматын анықтады. Олардың да тиісті рұқсат құжаттары болмаған", - деп жазылған хабарламада.
Заңды ұдайы бұзатын жұмыс берушілер де назардан тыс қалмады. Қарағанды облысында шетелдіктерді заңсыз жұмысқа бірнеше рет тартудың үш жағдайы анықталды. Осы эпизодтар бойынша ҚР Қылмыстық кодексінің 395-бабымен қылмыстық іс қозғалды, сотқа дейінгі тергеу жүргізіліп жатыр.