Ішкі істер министрлігі қазақстандық ата-аналарға үндеу жасады.
Есірткі қылмысына қарсы іс-қимыл қызметкерлерімен Астана қаласында елордалық жоғары оқу орнының 16 жастағы екі студенті ұсталды. Олардың біреуінен аса ірі көлемде синтетикалық есірткі тәркіленді, деп хабарлайды aqshamnews.kz.
Бұған қоса, Қарағанды облысында екі жасөспірім ұсталды. Олар 9-10 сынып оқушылары. Жасөспірімдер есірткі тарататын Telegram-арнаға сілтемесі бар жапсырмаларды жапсырумен айналысқан. Аталған фактілер үшін қылмыстық жаза көзделеді. 2024 жылы полициямен есірткінің заңсыз айналымына қатысы бар 61 кәмелетке толмаған, ал жыл басынан бері алты жасөспірім ұсталды.
Полиция қызметкерлері еліміздің барлық оқу орындарында құқықтық түсіндірме жұмысын жүргізеді. Соған қарамастан, мұндай фактілер әлі де кездесіп жатыр.