Орталық стадион маңына әншінің жанкүйерлері жиналып, суретке түсіп, достарымен кездесіп, көптен күткен шоуға дайындалуда, – деп хабарлайды aqshamnews.kz тілшісі.
Осы уақытта аумақтың тазалығын ерекше экологиялық көмекші – Тазабек маскоты қадағалап жүр. «Таза Қазақстан» бастамасы аясында ол концерт қонақтарын тазалық сақтауға және қоршаған ортаға ұқыпты қарауға шақыруда.
Тазабек қолындағы плакат арқылы көрермендерге қоқысты өзімен бірге алып кетудің және айналаны таза ұстаудың маңызын еске салады. Сондай-ақ пластикалық бөтелкелерді арнайы жинау және қайта өңдеу орындарына тапсыруға болатынын көрсетіп жүр.