21 маусымға арналған ауа райы болжамы белгілі болды, деп хабарлайды Aqshamnews.kz тілшісі.
Синоптиктердің болжамынша, еліміздің үш ірі қаласы – Астана, Алматы және Шымкентте бүгін әртүрлі ауа райы күтіледі.
Алматыда күн ашық әрі ыстық болмақ. Күндіз ауа температурасы +33°С-қа дейін көтеріліп, түнде +20°С-қа дейін төмендейді. Желдің жылдамдығы шамамен 5 м/с болады.
Астанада өткінші жаңбыр жаууы мүмкін. Күндіз сынап бағаны +25°С-ты көрсетсе, түнде +14°С-қа дейін салқындайды. Жел екпіні – 12 м/с.
Ал Шымкентте аптап ыстық күтіледі. Күндіз термометр +39°С-ты көрсетіп, түнгі уақытта +22°С-қа дейін түседі. Желдің жылдамдығы – 9 м/с деңгейінде болмақ.
Мамандар тұрғындарға ауа райына сай киініп, қауіпсіздік шараларын сақтауға кеңес береді.