2025 жылғы 22 маусымға еліміздің бірнеше өңірінде ауа райының күрт нашарлауына байланысты дауылды ескерту жарияланды, деп хабарлайды Aqshamnews.kz тілшісі.
Төтенше жағдайлар министрлігінің мәліметінше, солтүстік, орталық және шығыс аймақтарда найзағай ойнап, бұршақ жаууы мүмкін. Желдің екпіні 20-28 м/с дейін күшейеді деп күтіліп отыр.
Оңтүстік өңірлерде аптап ыстық сақталады. Кей жерлерде найзағай, шаңды дауыл мен 20 м/с-қа дейін жететін жел болады.
Батыс облыстарда да найзағай мен күшті жел болады деп болжанып отыр.
Бұдан бөлек, еліміздің барлық аумағында төтенше және жоғары деңгейдегі өрт қаупі сақталып отыр. Тұрғындарға қауіпсіздік шараларын қатаң сақтауға кеңес беріледі.