Еңбек және халықты әлеуметтік қорғау министрі Светлана Жақыпованың Қазақстанда ең төменгі жалақы деңгейінде (2025 жылы – 85 мың теңге) 790 мың адам еңбек ететінін, тағы 329 мың адамның айлығы осы деңгейден де төмен екенін мәлімдеді, деп хабарлайды Aqshamnews.kz тілшісі. Бұл туралы ол Мәжілісте айтты.
Министр нақты есептеулер міндетті аударымдарға, зейнетақы, әлеуметтік және медициналық төлемдерге сүйеніп жүргізілетінін атап өтті. Сонымен бірге Жақыпова кейбір азаматтарға ең төменгі жалақы "қағаз жүзінде" рәсімделіп, қалғаны "конвертпен" берілетін жағдайлар барын айтты. Осы тәуекелді қысқарту үшін Еңбек министрлігі заңнамаға өзгерістер әзірлеп жатыр.
Бұған дейін "Amanat" партиясы 1,8 млн қазақстандық ең төменгі жалақы алады деген дерек таратқан.
"Еңбек министрлігінің дерегіне сәйкес, төмен жалақы алатындар санатына 1 миллион 109 мың адам кіреді, олардың 329 мыңының айлығы 80 мың теңгеден де төмен", – деп нақтылады министр.
Еске салайық, 85 мың теңге - елдегі ресми ең төменгі жалақы. "2026–2028 жылдарға арналған республикалық бюджет туралы" заң жобасында жалақы мен зейнетақы өсімі қарастырылғанымен, ең төменгі жалақы көлемі өзгеріссіз қалмақ.