Құжат талқылау үшін «Ашық НҚА» порталына жарияланды.
Қазақстан Үкіметі мемлекеттік активтерді сату ережесі өзгертпек, деп хабарлайды Almaty-akshamy.kz.
«Жекешелендіру объектілерін сату қағидаларын бекіту туралы» қаулыға өзгерістер мен мен толықтырулар енгізіледі.
Енгізілетін өзгеріске сәйкес, саудаға қатысу үшін төленетін кепілдік жарнаның шекті мөлшері алынып тасталады. Бұған дейін актив құнының кем денде 15 пайызынан максимум 30 мың АЕК-ке (110,7 млн теңге) дейін кепілік жарна құя алатын. Енді аукционға қатысушы актив құнының тек 15 пайызын төлей алады.
Аванс немесе түпкілікті төлем мерзімі кешіктілісе, енді төленбеген соманың 0,5%-дай өсімпұл жүреді. Бұған дейін төлем кешіктірілсе, сатушы шартты бiржақты тәртiппен бұзуып, сатып алушыдан кепiлдiк жарнамен жабылмаған шығынын өтеп алатын. Ендлі шарт бұзардан 10 кұн бұрын төленбеген соманың 0,5 пайызына тең өсімақы өндіріледі.
«Аванстық немесе түпкілікті төлемнің мерзімі Он жұмыс күнінен аспайтын мерзімге өткен жағдай сатушының сатып алу-сату шарты бойынша мерзімі өткен әрбір күн үшін төленбеген төлем сомасынан 0,5 пайыз мөлшерінде өсімпұл алады», – делінген салыстырмалы кестеде.
Егер аванстық немесе түпкілікті төлемнің мерзімі он жұмыс күнінен асатын болса, сатып алу-сату шарты сатып алушыға кепілді жарнамен жабылмаған бөлігінде нақты шығындарды өтеу туралы талаптар қойыла отырып, біржақты тәртіппен бұзылады. Сонымен қатар, тізілімнің веб-порталында қалыптастырылатын сауда-саттық нәтижелерінің күшін жою туралы актіге қол қойылады.
Құжатта сатушыларға қатысты өзгерістер де бар. Мемлекеттік компаниялар аукцион туралы ақпаратты әлеуметтік желілерінде орналастырып, хабарламамен бірге тізілімнің веб-порталына сілтеме қосады. Ал хабарламаның өзінде енді мемлекет меншігіндегі бағалы қағаздарды сату туралы ақпаратты ашу қажет. Қаулыны талқылау 2024 жылдың 20 мамырына дейін жалғасады.