Қазақстан қор биржасындағы шетел валюталарының күндізгі сауда-саттық қорытындысы бойынша доллардың орташа өлшенген бағамы 460,37 теңгені құрап, 4,88 теңгеге төмендеді, – деп хабарлайды aqshamnews.kz тілшісі.
Ресей рублінің бағамы да 5,85 теңгеге дейін төмендеді (-0,03).
Қытайда мереке күніне байланысты юаньмен сауда жүргізілген жоқ.
Айырбастау пункттерінде:
доллар 461,8–463,5 теңге аралығында сатып алынып, сатылуда;
еуро 530,4–536,1 теңге аралығында;
рубль 5,77–5,91 теңге аралығында саудалануда.
7 сәуірде әлемдік мұнай бағасы өсім көрсетті.
Brent маркалы мұнайдың маусым айындағы фьючерстері 1,19%-ға өсіп, барреліне 111,08 долларға жетті. Ал WTI маркалы мұнайдың мамыр айындағы фьючерстері 2,54%-ға қымбаттап, 115,26 доллар болды.